ကြာကြာကြည့်မယ့်မျက်လုံး ဒါတွေကြည့်ရှောင်

☞မျက်ဝန်းဆိုတာ စိတ်ရဲ့ပြတင်းပေါက်တဲ့။ အခုခေတ်မှာသာ ဖေ့စ်ဘွတ်ခ် မက်ဆင်ဂျာကနေတဆင့် ချစ်စကားတွေပြော အဖြေစကားတွေပေးပြီးသမီးရည်းစားတွေ ဖြစ်သွားကြပေမယ့် ဟိုတုန်းကတော့ မျက်ဝန်းကနေတဆင့်သာ ချစ်အဖြေကိုရှာရတာ မဟုတ်ပါလား။ 

☞အမြင်အာရုံအတွက်သာမက ကိုယ့်ခံစားချက်ဓိပ္ပါယ်ကို အများကြီးဖော်ဆောင်ပေးတဲ့ ဒီမျက်ဝန်းလေးတွေဟာ တခြားသောကိုယ်ခန္ဓာအစိတ်အပိုင်းတွေထက်ပိုနူးညံ့သလို ပိုဂရုစိုက်ပေးဖို့လည်းလိုပါတယ်။ ကြာကြာဝါးမယ့်သွား အရိုးကြည့်ရှောင်ဆိုသလိုပါပဲ။ ကြာကြာကြည့်မယ့်မျက်လုံးတွေကတော့ ဒီအချက်တွေကိုကြည့်ရှောင်ရမှာပါနော်။ ဆောင်သင့်တာတွေလည်း ဆောင်ပေါ့နော်။

၁။ အာဟာရရှိရှိစားပါ✔

မျက်လုံးလေးတွေ ကျန်းမာဖို့ အာဟာရရှိတဲ့ အစားအသောက်တွေစားဖို့လိုပါတယ်။ မျက်လုံးနဲ့ပတ်သက်တဲ့ရောဂါတွေကင်းဝေးဖို့ ဟင်းနုနယ် ၊ ကိုက်လန်လိုမျိုး အစိမ်းရောင်အရွက်တွေ ၊ ဆော်လမွန်ငါး ၊ တူနာငါးလိုမျိုး အဆီပြည့်ဝတဲ့ငါးတွေ ၊ ဥတွေ ၊ အခွံမာသီးတွေ ၊ ပဲနဲ့ တခြားပရိုတိန်းပါတဲ့ အသီးအရွက်တွေ ၊ လိမ္မော်သီးလိုမျိုး အရည်ရွှမ်းတဲ့အသီးတွေနဲ့ကမာကောင် ၊ ဝက်သား စတာတွေကို စားသုံးပေးသင့်ပါတယ်။

၂။ ဆေးလိပ်မသောက်ပါနဲ့✔

ဆေးလိပ်သောက်တာဟာ အမြင်အာရုံကို ထိခိုက်စေပြီး မျက်လုံးအတွင်းတိမ်ကို ဖြစ်စေပါတယ်။ မျက်လုံးအတွက်သာမက တစ်ကိုယ်လုံးကျန်းမာရေးအတွက် ဆေးလိပ်မဖြစ်မနေဖြတ်သင့်ပါတယ်။ တကယ်ဆေးလိပ်ဖြတ်တော့မယ်ဆိုရင်တော့ ဆရာဝန်အကူအညီယူနိုင်ပါတယ်။

၃။ နေကာမျက်မှန်တပ်ပါ✔

ကြာကြာကြည့်မယ့်မျက်လုံး နေရောင်ကြည့်ရှောင်လို့ ဆိုရမှာပါနော်။ နေကာမျက်မှန်တပ်တာကြောင့် မျက်လုံးကို ခရမ်းလွန်ရောင်ခြည်မထိတွေ့အောင် ကာကွယ်ပေးပါတယ်။

ခရမ်းလွန်ရောင်ခြည်နဲ့ထိတွေ့မှုများလာရင်တော့ မျက်စိအားနည်းလာပြီး အတွင်းတိမ်ဖြစ်နိုင်ခြေပိုများလာပါတယ်။ ဒါကြောင့် စတိုင်လ်လုပ်တယ်ပဲဆိုဆို ၊ မိုးအုံ့မျက်မှန်ကြီးနဲ့ ပဲများတယ်ပဲပြောပြော ဂရုစိုက်မနေဘဲနေကာမျက်မှန် တပ်ဖြစ်အောင်တပ်ပါ။

၎။ မျက်လုံးကို အကာအကွယ်ပေးတဲ့ အရာတွေဝတ်ဆင်ပါ✔

အလုပ်မှာပဲဖြစ်ဖြစ်အိမ်မှာပဲဖြစ်ဖြစ် မျက်လုံးအတွက် အန္တရာယ်ရှိစေတဲ့ အရာဝတ္ထုတွေ ကိုင်တွယ်ရတဲ့အခါ ၊ အားကစားလုပ်တဲ့အခါ လုံခြုံရေးမျက်မှန်ဒါမှမဟုတ် တစ်ခြားမျက်လုံးကို အကာအကွယ်ပေးတဲ့ အရာတွေဝတ်ဆင်သင့်ပါတယ်။

၅။ ကွန်ပြူတာမျက်နှာပြင်ကနေ အဝေးကို ကြည့်ပေးပါ✔

ဖုန်း ဒါမှမဟုတ် ကွန်ပြူတာကို အချိန်ကြာကြာကြည့်ရင် မျက်လုံးနာတာ၊ အမြင်ဝေဝါးတာ ၊ အဝေးမှုန်တာ၊ မျက်လုံးခြောက်သွေ့တာ ၊ ခေါင်းကိုက်တာ ၊ ဇက်ကြောထိုးတာတွေ ဖြစ်နိုင်ပါတယ်။

ဒါကြောင့် လုပ်သင့်တာက

-သင့်မျက်မှန်က ကွန်ပြူတာကြည့်ဖို့ အဆင်ပြေမပြေ ဆန်းစစ်ပါ။ ကွန်ပြူတာမျက်နှာပြင်ကို သင့်မျက်လုံးနဲ့တစ်တန်းတည်းထားပါ။

-တောက်ပလွန်းတဲ့ အလင်းရောင်တွေမကြည့်မိအောင် သတိထားပါ။

-မျက်လုံးခြောက်နေရင် မျက်တောင်များများခတ်ပေးပါ။

-ကွန်ပြူတာသုံးနေချိန် မိနစ်၂၀ အကြာ တစ်ကြိမ်ခန့် မျက်လုံးကို အနားပေးပါ။ အနားပေးနေတဲ့အချိန်

ကွန်ပြူတာမျက်နှာပြင်ကနေ ပေ၂၀ လောက်အကွာအဝေးကို စက္ကန့် ၂၀လောက် ကြည့်ပေးပါ။

-နှစ်နာရီတစ်ကြိမ် ၁၅မိနစ်ခန့် အနားယူပါ။

ဒီလိုအခြေခံအချက်လေးတွေကို သတိထားလုပ်ဆောင်နိုင်ပြီဆိုရင်တော့   မျက်လုံးကျန်းမာရေးအတွက် တစ်စိတ်တစ်ပိုင်းစိတ်ချရပြီဖြစ်ပါတယ်။

www.akhayar.com

#Boykhai

#နည်းပညာချစ်သူ