စီးပွားရေးလုပ်ငန်းတစ်ခု စတင်တော့မယ်ဆိုရင် ဒီအချက်လေးတွေ သိထားပါ…

• ၁။ ဈေးကွက်ကို နားလည်အောင် ကြိုးစားပါ။

ပြိုင်ဘက်တွေနဲ့ ယှဉ်နိုင်ဖို့ဆိုရင် ဈေးကွက်ကို သေချာသိဖို့လိုပါတယ်။ ကိုယ့်စီးပွားရေးနဲ့ဆိုင်တဲ့ အကြောင်းအရာတွေကို အတွင်းကျကျ လေ့လာထားဖို့ လိုပါတယ်။ လုပ်ငန်းနဲ့ ပက်သက်တဲ့ အကြောင်းအရာတွေကို Google မှာရိုက်ရှာပြီး လေ့လာထားပါ။ ဈေးကွက်က အခြေအနေမကောင်းလို့လဲ စိတ်ဓာတ်မကျပါနဲ့။ အဲဒိအခြေအနေကို အသုံးချပြီး အကျိုးအမြတ်ရအောင် ဖန်တီးယူလို့ ရပါတယ်။ သင်တကယ် အလုပ်လုပ်ဖို့ပဲ လိုပါတယ်။

• ၂။ သေချာတဲ့ အမြတ်ငွေပမာဏကို ကြိုတင်တွက်ချက်ထားပါ။

ခြောက်လ တစ်ခါ အမြတ်ငွေပမာဏ ဘယ်လောက်ကျန်ရမယ်ဆိုပြီး ကြိုတင်တွက်ထားပါ။ အဲ့လို အမြတ်ငွေ တကယ်ရဖို့ ဘာတွေ လိုအပ်တယ်ဆိုတာကိုလဲ သေချာသိအောင် လုပ်ဖို့လိုပါတယ်။ ရည်မှန်းချက်တွေ ထားပြီး တကယ်ဖြစ်လာအောင် ကြိုးစားနေရမှာလဲ ဖြစ်ပါတယ်။

• ၃။ Customer တွေကို အလေးထားပါ။

ထုတ်ကုန်ရောင်းတဲ့ လုပ်ငန်းအတွက်ဖြစ်စေ ၊ ဝန်ဆောင်မှုပေးတဲ့ လုပ်ငန်းအတွက်ပဲ ဖြစ်စေ၊ Customer တွေက အရေးကြီးဆုံးပဲဖြစ်ပါတယ်။ Customer တွေရဲ့ ပြသနာတွေကို ဖြေရှင်းပေးနိုင်မှသာ သင့်လုပ်ငန်းလဲ တိုးတက်လာမှာ ဖြစ်ပါတယ်။ Customer တွေရဲ့ စိတ်ကျေနပ်မှုကြောင့် သင့်လုပ်ငန်းက နာမည်ကောင်းတွေ ရလာနိုင်ပါတယ်။

• ၄။ အခုပဲ စတင်လိုက်ပါ။

လူအများစုဟာ အကုန်ပြည့်စုံအောင် ပြင်ဆင်ပြီးမှ လုပ်ငန်းတစ်ခုကို စတင်ချင်ကြပါတယ်။ လုပ်ငန်းရဲ့ Logo, Website … အစရှိတဲ့ အရာတွေကို Perfect ဖြစ်အောင် ပြင်ဆင်နေရင်း အချိန်ကုန်နေတတ်ပါတယ်။ ဝန်ဆောင်မှု ပေးနိုင်အောင်သာ အဓိကပြင်ဆင်သင့်ပါတယ်။ အကုန်ပြည့်စုံနေတဲ့ လုပ်ငန်းတစ်ခုဆိုတာ မရှိပါဘူး။ လုပ်ငန်းလည်ပတ် နေတဲ့ အချိန်မှသာ တဖြည်းဖြည်း တိုးတက်လာအောင် ပြင်ဆင်သွားရမှာ ဖြစ်ပါတယ်။

www.7techlover.com
Linn Linn Maung (Myanmar Leaders)